Хитойлик компания ходимнинг хатоси туфайли 4,2 миллион доллар йўқотиш хавфи бор
ОАВ маълумотларига кўра, маиший техника онлайн савдосига ихтисослашган кичик компания ходими хатога йўл қўйган ва товарларнинг нотўғри нархларини кўрсатган. Бу харидорларнинг маҳсулотларни оммавий сотиб олишни бошлашига олиб келди. Ноаниқлик аниқланганда компаниянинг зарари 4,2 миллион долларни ташкил қилган.
Компания техник носозликни тасвирлаб, мижозлардан буюртмаларини бекор қилишни сўраган баёнот чиқарди. Тўғри, бу қўнғироққа кўпчилик харидорлар жавоб бермади.
«Ўн минглаб буюртмалар ва миллионлаб долларлар биз учун астрономик рақамлардир. Сиздан камтарлик билан бизнинг қийинчиликларимизни тушунишингизни ва тўловни қайтаришга рози бўлишингизни сўраймиз. Биз пулингизни имкон қадар тезроқ қайтариб берамиз», дейилади хабарда.
Қолаверса, хатога йўл қўйган ходимнинг ўзи ҳам ўз қилмиши учун узр сўраган видеони эълон қилиб, бутун мол-мулкини сотган тақдирда ҳам зарарни қоплай олмаслигини қўшимча қилган.
