Хитой Украинадаги можарога «зудлик билан ва радикал» таъсир кўрсатадиган ягона кучдир

Франция президенти идораси назарида, Хитой Украинадаги можарога «зудлик билан ва радикал» таъсир кўрсатадиган ягона кучдир. Таъкидланишича, Франция етакчиси Макрон Хитойга бўлажак ташрифи чоғида бу давлатни Россияга ҳарбий ёрдам кўрсатиш кўринишидаги «оғир қарор»дан огоҳлантиришни режалаштирмоқда.
Франция президенти Эммануэл Макроннинг Хитойга ташрифига саноқли кунлар қолар экан, унинг идораси баёнотида шундай деди: “Агар Хитой бу «жиддий қарор»ни қабул қилса, бу қарор можаронинг боришига муҳим стратегик таъсир кўрсатади. Президент Макрон хитойлик ҳамкасби Си Цзиньпинни Россияга ҳарбий ёрдам кўрсатиш қарорининг оқибатлари ҳақида огоҳлантиради.
Қайд этилишича, Макрон Украина тинч фуқароларини қўллаб-қувватлаш ва «қисқа муддатда можарони ҳал қилиш йўлини топиш» мақсадида Хитой билан ҳамкорлик майдонини чизишни режалаштирмоқда.
Франция ва Хитой раҳбарларининг учрашуви Хитой «можаро ривожига зудлик билан ва радикал таъсир кўрсатадиган дунёдаги ягона куч» бўлиши шароитида катта аҳамиятга эга эканлиги таъкидланди.
Франция президенти Эммануэл Макрон 5-8 апрель кунлари Хитойга ташриф буюради. Макронга Европа комиссияси президенти Урсула фон дер Ляйен ҳамроҳлик қилади.