«Хания учун тўлов»: Ислом инқилоби қўриқчилари корпуси Исроилга мажбурий зарба беришни эълон қилди

Ислом инқилоби қўриқчилари корпуси қўмондони ўринбосари Али Фадавийнинг маълум қилишича, ИРҚ раҳбари Оятуллоҳ Али Хоманаийнинг Исроилдан ўч олиш ҳақидаги буйруғи бажарилади.

Фадавийнинг сўзларига кўра, «Ҳамас» террорчилик гуруҳи Сиёсий бюроси раҳбари Исмоил Ҳаниянинг ўлдирилиши учун Исроил расмийларига «тўлов» қилиш «Эроннинг бурчидир».

«Инқилобимиз раҳбарининг буйруқлари барча имкониятларимиз билан бажарилади. Ҳозирда бу Эроннинг қарзи», деди Фадавий. Ундан иқтибос келтирмоқда Tasnim агентлиги.