Венгрия парламенти мамлакатнинг Халқаро жиноий суддан чиқишини маъқуллади.
"Венгрия парламенти ҳозиргина ХЖСдан чиқиш учун овоз берди. Бу қарор билан биз холислик ва обрўсини йўқотган сиёсийлаштирилган институтнинг бир қисми бўлишдан бош тортамиз", — дея маълум қилди Венгрия ташқи ишлар вазири Петер Сийярто.
ТАСС агентлиги хабарига кўра, тегишли қонун лойиҳаси депутатларнинг учдан икки қисмидан кўпроғи томонидан қўллаб-қувватланган.
Венгрия ҳукумати ХЖСдан чиқиш истагини апрел ойи бошида, Исроил бош вазири Бинямин Нетаняҳунинг Будапештга ташрифи чоғида эълон қилган эди. Нетаняҳуга нисбатан ХЖС томонидан ҳибсга олиш ордери мавжуд, бироқ Венгрия расмийлари уни ҳибсга олмаганди.
Венгриянинг суддан чиқиш жараёни бир йилгача вақт олиши мумкин. Мамлакат ХЖСнинг Рим статутини 2001 йилда имзолаган.
Эстония ҳарбий-денгиз кучлари ва НАТО авиацияси Болтиқ денгизида Россия портига йўл олган Габон байроғи остидаги нефть танкерини қўлга олишга уриниш қилди. Воқеа Фин қўлтиғи сувларида юз берди.
Нашр мухбири маълумот беришича, Истанбулдаги музокараларда Россия делегацияси, жумладан Владимир Мединский, Украина томонига Харкив ва Суми областларини босиб олиш билан таҳдид қилган.
АҚШ 2025 йил охирига қадар Европа қитъасидаги ҳарбий контингентини қисқартириш бўйича музокараларни бошлайди. Бу ҳақда НАТОдаги АҚШ доимий вакили Мэттю Уитакер маълум қилди.
АҚШ президенти Доналд Трамп Саудия Арабистони, Қатар ва Бирлашган Араб Амирликларига (БАА) қилган ташрифлари натижасида Америка иқтисодиётига 12-13 триллион доллар миқдорида сармоя киритиш бўйича келишувларга эришилганини маълум қилди.
Нодавлат ташкилот ҳисоботига биноан, 2022 йил 24 февралдан буён Россия қуролли кучлари Украинанинг 25 та меҳмонхонасига 31 марта ҳужум қилган. Ушбу меҳмонхоналар асосан фронт чизиғига яқин ҳудудларда - Харков, Донетск, Днепропетровск, Одесса ва Киевда жойлашган.
Сотувчи М.О. фуқаро Р.М.га кучли таъсир қилувчи дори воситасини шифокор рецептисиз сотган вақтида ушланиб, ундан 13 турдаги дори воситалари ва тиббий буюмлар ашёвий далил сифатида олинган.
Президент Маҳмуд Аббос таъкидлашича, мамлакат ичкариси ва ташқарисидаги фаластинлик қочқинлар сони 7 миллион кишига етди. Бу ҳақда WAFA агентлиги хабар берди.