Ўзбекистон ва Қозоғистон Президентлари бир-бирига мактуб йўлладилар
Ўзбекистон Республикаси Президенти Шавкат Мирзиёев ва Қозоғистон Республикаси Президенти Қасим-Жомарт Тоқаев мамлакатларимиз ўртасида дипломатик муносабатлар ўрнатилганининг 30 йиллиги муносабати билан бир-бирига мактуб йўлладилар.
Ўзбекистон Республикаси Президенти
Шавкат Мирзиёев
Жаноби Олийларига
Муҳтарам Шавкат Миромонович!
Қозоғистонва Ўзбекистонўртасида дипломатик муносабатлар ўрнатилганининг 30 йиллиги муносабати билан самимий табрикларимни қабул қилгайсиз.
Ўтганйиллар мобайнида мустаҳкам дўстлик, яхши қўшничилик ва умумий маданий-тарихий қадриятларга таянган ҳолда, чинакам стратегик шериклик руҳида мустаҳкамланиб бораётган намунали давлатлараро муносабатларни ўрнатишга муваффақ бўлдик.
Олий даражадаги фаол ва ишончли мулоқот, савдо-иқтисодий ва маданий-гуманитар соҳалардаги ҳамкорликнинг жадал ривожланиб бораётгани бу фикрни тасдиқлайди.
Биргаликдаги саъй-ҳаракатлар билан кўп томонлама форматда Марказий Осиёнинг барқарор ўсиши, барқарорлиги ва хавфсизлигини таъминлаш бўйича умумий мақсадларни муваффақиятли илгари сурмоқдамиз.
Қардош халқларимизни яқинлаштиришдаСизнинг улкан шахсий ҳиссангиз ҳамда кўп қиррали алоқаларимизни янада мустаҳкамлашга самимий интилишингизни алоҳида таъкидламоқчиман.
Ўз томонимдан, Сиз билан Қозоғистон-Ўзбекистон муносабатларини янги чўққиларга олиб чиқиш бўйича яқин ҳамкорлик қилишга тайёр эканлигимни тасдиқлайман. Иттифоқчилик муносабатлари тўғрисидаги шартномани имзолаш тўғрисидаги тарихий қароримиз билан буни тасдиқлайди.
Сизга, муҳтарам Шавкат Миромонович, масъулиятли давлат фаолиятингизда янгидан-янги муваффақиятлар, қардош Ўзбекистон халқига фаровонлик ва фаровонлик тилайман.
Эҳтиром ила,
Қасим-Жомарт Тоқаев
*****
Қозоғистон Республикаси Президенти
Қасим-Жомарт Тоқаев
Жаноби Олийларига
Ҳурматли Қасим-Жомарт Кемелевич!
Азиз биродарим!
Ўзбекистон ва Қозоғистон ўртасида дипломатик алоқалар ўрнатилганлигининг 30 йиллиги муносабати билан Сиз, Жаноби Олийларини ҳамда қардош Қозоғистон халқини чин қалбимдан самимий муборакбод этишдан беҳад хурсандман.
Шуни мамнуният билан таъкидлаб ўтмоқчиманки, ўтган даврда аҳамиятга молик салмоқли натижаларга эришилди, халқларимизнинг ўзаро дўстлик ришталари янада мустаҳкамланиб, давлатларимиз ўртасидаги кенг қамровли муносабатларнинг ҳуқуқий негизи ва самарали институтсионал механизмлари яратилди.
Алоқаларимиз сўнгги йилларда ўзаро ишонч, юксак қурмат-еҳтиром, бир-бирини қуллаб-қувватлаш ва яхши қўшничилик, стратегик шериклик ва иттифоқчилик тамойиллари асосида жадал суръатлар билан ривожланиб бормоқда.
Олий ва юқори даражада ўрнатилган очиқ, конструктив ва фаол мулоқотларимиз ҳамда давлатлараро ва ҳукуматлараро муносабатларимизни тартибга солувчи самарали амалий механизмлар ўзаро манфаатли ҳамкорлигимизни кучайтиришда мустаҳкам асос бўлиб хизмат қилаётганини алоқида таъкидлашни истардим.
Шуни ҳам қайд этиш ўринлики, жорий йилнинг 21-23 ноябр кунлари Остона шаҳрида ўтказиладиган Ўзбекистон маданияти кунлари байрам тантаналари муштарак тарихга эга икки қардош халқ ўртасида ўзаро дўстлик ва ҳамжиҳатлик ришталарини янада жипслаштиришга хизмат қилиши шубҳасиз.
Аминманки, биргаликдаги дадил қадамларимиз билан узлуксиз ривожланиб бораётган кенг ко’ламли ҳамкорлик алоқаларини бундан кейин ҳам биродар халқларимиз фаровонлиги йўлида янги, юксак марраларга олиб чиқишга қодирмиз.
Муносабатларимиз солномосидаги ушбу муҳим сана муносабати билан Сизни яна бир бор қутлаб, мустаҳкам соғлиқ, бахт-саодат ва мас’улиятли давлатчилик фаолиятингизда улкан зафарлар, қардош Қозоғистон элига тинчлик-осойишталик, равнақ ва бардавом тараққиёт тилаб қоламан.
Эҳтиром ила,
Шавкат Мирзиёев
