Умумтаълим фанлари бўйича миллий тест тизими жорий қилинди

Ҳукумат қарорига биноан, кейинги ўқув йилидан бошлаб умумтаълим фанларидан билиш даражасини баҳолашнинг миллий тест тизими сертификатига эга абитуриентга ўзлаштириш фоизига мос равишда ОТМга қабулдаги тест синовларида ушбу фандан белгиланган максимал баллга нисбатан табақалаштирилган (пропорционал) балл бериш тартиби жорий этилади.

Умумтаълим фанлари бўйича сертификатлаш қуйидаги муддатларда жорий этилади:

— 2020 йил 1 декабрда она тили ва адабиёт (ўзбек тили ва адабиёти, рус тили ва адабиёти, қорақалпоқ тили ва адабиёти) ҳамда математика фанлари бўйича;

— 2021 йил 1 февралда кимё ва биология фанлари бўйича;

— 2022-2024 йилларда физика, география ва тарих фанлари бўйича.