Укроп сувининг фойдали хусусиятлари ҳақида биласизми?

Укроп сувининг фойдали хусусиятлари ҳақида биласизми?

Укроп суви чақалоқлардаги қорин дам бўлишидан халос этишини кўп бор эшитгансиз. Аниқланишича, у нафақат кичик ёшдаги болалар, балки катталар учун ҳам ўта фойдали экан.

Укроп суви, шунингдек укроп уруғлари дамламаси ортиқча вазндан халос бўлишга ёрдам беради. Уни диабетнинг олдини олувчи ажойиб воситалардан бири сифатида ҳам билишади. Дамлама шифокорлар томонидан юрак етишмовчилиги, жигар сиррози ва қорин дам бўлишида буюрилади.

Укроп суви қабзият, ошқозон ва сийдик йўлларидаги оғриқлар, энурез каби хасталикларда ҳам фойда бериши исботланган.

Укроп уруғларидан дамлама қуйидагича тайёрланади:

Бир ош қошиқ укроп уруғи чойнак ичига солинади ва устидан ярим литр қайнаган сув қуйилади. Чойнак сочиқ билан ўралганча 40 дақиқага тиндириб қўйилади. Тайёр бўлган дамламадан бир кунда уч қултумдан 7-10 марта ичилади. Даволаш курси 1 ҳафтадан иборат бўлади.

Дамламани профилактика мақсадида ҳам ичиш мумкин.

Муолажани амалда қўллашдан аввал шифокор билан маслаҳатлашиш тавсия этилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!