Тўтиқуш 21 та олмосни ютиб юборди

Тўтиқуш 21 та олмосни ютиб юборди

Таиланднинг Бангкок шаҳрида тўтиқуш эгасининг маржонидан 21 та олмосни ўғирлаб, ютиб юборган.

Фрости исмли саккиз ойлик тўтиқуш эгасининг заргарлик қутиси устига чиқади. Олмос билан ишланган маржон марвариддаги тошларнинг ёрқинлиги қушни ўзига жалб қилади, Фрости эса уларни нонушта ўрнига ейишга қарор қилди.

Тушга қадар тўтиқуш ҳолсизланган ва овқатдан бош тортишни бошлаган. Фростининг эгаси эса уни ветеринария клиникасига олиб боради, у ерда рентгенография қилинади.

Ветеринария шифокорлари ажабланганча, қушнинг ошқозонидан мунчоқга ўхшаш майда нарсаларни топиб, қушни шошилинч операцияга юборишди. Фростига умумий наркоз берилади ва бегона нарсаларни олиб ташлаш учун кичкина ошқозонини очишади. Aмалиёт икки соат давом этган.

Натижада қушнинг ошқозонидан олинган олмосни шифокорлар бекасига қайтариб беришган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!