Трамп: "Агар сайловда ютқазсам учинчи жаҳон уруши бошланиб кетади"

Биласизми? / Хориж
A A A
Трамп: "Агар сайловда ютқазсам учинчи жаҳон уруши бошланиб кетади"

2024 йилги президентлик сайловларида "Республикачилар" мағлуб бўлса, Яқин Шарқдаги можаролар учинчи жаҳон урушига айланиб кетиши мумкин. Бу ҳақда АҚШ президентлигига номзод Дональд Трамп маълум қилди.

Бир кун аввал Трамп Мар-а-Лагодаги курорт уйида Исроил бош вазири Биньямин Нетаняху билан учрашди.

Республикачи номзод журналистларга сайловда унинг эҳтимолий рақиби Камала Харрис Яқин Шарқдаги вазиятни "ёмонроқ" тушунишини айтди. Исроилнинг Ғазо секторида Хамас билан уруши кенгроқ минтақавий можарога айланиб кетиши мумкин.

Трампнинг сўзларига кўра, "агар биз ғалаба қозонсак, унда ҳамма нарса жуда оддий бўлади ва ҳаммаси яхши бўлади”.

"Агар мағлубиятга учрасак, Яқин Шарқда катта урушлар бўлади. Ва, эҳтимол бу учинчи жаҳон урушига айланади. Сиз Иккинчи жаҳон урушидан кейинги ҳар қачонгидан ҳам учинчи жаҳон урушига яқинроқсиз" - деди Трамп.

Унинг қўшимча қилишича, "мамлакатни қобилиятсиз одамлар бошқармоқда".

Киритилди: 18:31 27.07.2024. Ўқилди: 1197 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!