Тошкентда микроавтобус ёниб кетди

Тошкентда микроавтобус ёниб кетди

Тошкент шаҳрида ўтган сутка давомида 5 та ёнғин ҳолати қайд этилган бўлиб, шулардан 4 таси қуриган ўсимлик ва хазонларнинг ёниши билан боғлиқ бўлган ёнғинларни ташкил этмоқда. Ёнғинларда инсонларнинг ҳалок бўлиши ва тан жароҳати олиш ҳолатлари қайд этилмади.

Хусусан, 17 ноябрь куни соат 15:22 да, Сергели тумани, ТХАЙ кўчаси, Эркин кўприги олдида “Istana” русумли микроавтобус ёнган. Ёнғин ўчириш жанговар бўлинмалари чақирилган манзилга соат 15:30 да етиб борган ва кўрилган тезкор чора ва ҳаракатлар натижасида ёнғин соат 15:35 да бартараф этилган.

Ёнғин автотранспорт воситасининг электр симларида вужудга келган қисқа туташув оқибатида содир бўлган, деб тахмин қилинмоқда. Ёнғин келтирган моддий зарар миқдори аниқланмоқда. Ёнғин жойига 2 та ёнғин ўчириш техникаси жалб қилинган.

Тошкент шаҳар ёнғин хавфсизлиги бошқармаси иқтисодиёт тармоқлари ва ижтимоий соҳа объектлари раҳбарлари ҳамда ходимларини, шунингдек, фуқароларимизни ёнғин хавфсизлиги қоидаларига қатъий риоя этишларини сўраган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади, ва телефон ракамни тасдиклаш керак булади!