Толибоннинг бу галги ҳукумати ҳам қўлни кесиш ва қатл қилиш жазолари жорий этади — Мулла Нуриддин Туробий

Толибон асосчиларидан бири, охирги марта Афғонистонни Толибон бошқарганида ислом қонунларини қаттиқ талқин қилишнинг асосий ижрочиси Мулла Нуриддин Туробий бу галги ҳукумат ҳам қўлни кесиш ва қатл қилиш жазолари жорий этишини маълум қилди.

Associated Press агентлигига берган интервьюсида Мулла Нуриддин Туробий қатллар ўтмишдаги каби стадионда, оломон олдида содир қилинмаслиги мумкинлигини айтди. Шу билан бирга у дунё ҳамжамиятини Афғонистоннинг янги ҳукуматининг ишига аралашмасликдан огоҳлантирди.

"Ҳамма бизни майдондаги жазолар учун танқид қилди, лекин биз уларнинг қонунлари ва жазоси ҳақида ҳеч қачон ҳеч нарса демаганмиз. Ҳеч ким бизга қонунларимиз қандай бўлиши кераклигини айтмайди. Биз Исломга амал қиламиз ва қонунларимизни Қуръон бўйича чиқарамиз", — деб таъкидлади у.