Сирдарёда қанча қурувчи ва ҳашарчилар жалб қилинган?

Сирдарёда қанча қурувчи ва ҳашарчилар жалб қилинган?

Тошқин юз берган ҳудудларни тиклаш учун 11 минг нафардан ортиқ қурувчи ва ҳашарчилар кўмакка келган. Ушбу қурувчи ва ҳашарчилар жойлашган 17та объектда жамоат тартибини сақлаш ва хавфсизликни таъминлашга 120 нафар Миллий гвардия ва ички ишлар ходимлари жалб қилинган.

Бу ҳақда Миллий гвардия тарбиявий ва мафкуравий ишлар бўлими бошлиғи Тўлқин Қодиров 22 май кунги брифингда маълум қилди.

Унинг сўзларига кўра, сув тошқини оқибатларини бартараф этиш тадбирларига Миллий гвардиянинг 2500дан ортиқ шахсий таркиби, 140га яқин махсус техника ва транспортлари сафарбар этилган.

Шунингдек, 3000дан ортиқ хонадонлардан фуқаролар юклари кўчирилган, қурилиш чиқиндилари олиб чиқилган.

Сардоба туманининг “Дўстлик” маҳалласидаги 715 та хонадонда кўчириш ва тозалаш ишлари якунланди. Ушбу маҳалладан 762 та ҳужжат топилиб, эгаларига топширилди.

Тошқин оқибатида 76та кўп қаватли уй яроқсиз ҳолга келди.

Талафот кўрган аҳоли орасида 5 мингдан ортиқ профилактик суҳбатлар ўтказилиб, жабрланувчиларга давлат томонидан янги уйлар қуриб берилиши юзасидан тушунтириш берилган.

Эслатиб ўтамиз, техноген офат оқибатида Сардоба, Мирзаобод ва Оқолтин туманларида 2 570 та уй-ҳовли ва 76 та кўп қаватли уй яроқсиз ҳолга келган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар


Фикр билдириш учун қайдномадан ўтишингиз сўралади ва телефон ракамни тасдиклаш керак булади!