Шохруҳ Абдухалилов: AKE бренди ҳақида

Ўзбекистонда миллий брендлар кўп бўлгани билан, улар орасида ўз ўрнига эга бўлгани, ривожланиб, ўз фаолиятини кенгайтираётганлари кам. Улар орасида энг тилга тушган брендлардан бири “АКЕ” брендидир. Бугунги суҳбатдошимиз мазкур “Аке” бренди асосчиси Shokh ake - Шоҳруҳ Абдухалиловдир.

⎯ Ака бренди ҳозирги кунда ўз номи остига бир неча ташкилотларни жамлаган. Жумладан, 2022 йилда Аке consulting ва Аке fx Forex очилган. Кейин 2023 йилда Аке logustics га асос солинган. 2024 йилдан эса, Аке water ўз фаолиятини бошлади.

⎯ Уларнинг фаолияти ҳақида ҳам тўхталиб ўтсангиз.

⎯ Аке consulting орқали иқтидорли ёшларни хорижга ўқишга юбориш билан шуғулланилади. Аке fx Forex орқали эса, дунё молия биржасига ўқитилади. Албатта, ўқиш учун танлаб олинганларни иқтидорига қаралади.

⎯ Аке logustics ва Аке water -чи?

⎯ Аке logustics бу Amerikan truck company бўлиб, унинг базасида 30 truck бор. Аке water эса, шу йил ишга туширилган газсиз сув ишлаб чиқарувчи компания! У ерда кунига 200 тонна газсиз сув ишлаб чиқарилади!

⎯ Бизнесдан ташқари, яна нималарга қизиқасиз?

⎯ Автомобилларга! . Илк минган машинам Малибу 1 русумида бўлиб, уни ўзи меҳнат қилиб топган пулларимга сотиб олганман. Кейинчалик Малибу 2, Мерседес бенц, Корвет, Тахое автомобилларини сотиб олиб минганман. Айни вақтда Gelаndewagen(Гелик) автомобили эгасиман. Автомобиллар борасижа ўз қарашларим бор.

⎯ Тадбиркор сифатида бренд ташкил этиш ва уни ривожлантиришда энг муҳими нима, деб ўйлайсиз?

⎯ Биринчи навбатда кўп таъкидлайман, бу билим! Билимсиз инсон, ҳеч нарсага эришолмайди! Шунинг учун ҳам, мен жуда кўп ўқиганман. Яширмайман, аввалига Жаҳон иқтисодиёти ва Дипломатия университети қошидаги Академик лицейини битирганман. Кейин Yodju университети, Лондондаги West London университети, сўнг, Г.В.Плеханов номидаги Россия иқтисодиёт университетининг Тошкентдаги филиалида таҳсил олганман. Кейин ўқишни тугатиб, ўз билимим ва кучимга таянган ҳолда иш бошлаганман. Айрим тадбиркорларнинг хатоси, “тадбиркорлик учун билим керакмас, ўқимаса ҳам бўлади” деб, ўйлашади. Йўқ! Билимсиз, узоққа бориб бўлмайди! Аке брендига асос солиш учун ҳам, қанча изланганман. Нимадан бошлаш керак? Айни вақтда Ўзбекистон ва Жаҳон бозорига нима етишмаяпти ва нимадан даромад топиш мумкин? Бу жиҳатларни алоҳида анализ қилиб чиққанман! Албатта, Аке брендини яратиш учун, жуда кўп изланганман! Натижада ўз мақсадларимга эришдим. Бугунги кунда эса, ўз брендим ёрдамиа, ўзим каби билим олишга интилган, иқтидорли ёшларни қўллаб-қувватлаб келяпман. Келажакдаги режаларим,бизнес ва трейдинг йўналишида ўзига хос янги, муваффақиятли катта халқаро лойиҳаларни амалга ошириш ва юртимиз ривожига ўзимнинг муносиб ҳиссамни қўшишдан иборат.