Самарқанд шаҳри кўчаларида яна сув тошқини кузатилди (фото)
16 апрель куни тонг саҳардан бошлаб ёққан ёмғир Самарқанд шаҳри кўчаларини яна хароб аҳволга келтириб қўйди. Шаҳарнинг бир қатор кўчаларини яна сув босди.
Айниқса халқ тилида Макаронка номи билан машҳур бўлган кўчадаги дренаж тизимлари ҳам йиғилган сувга дош бера олмаганини кўришимиз мумкин, деб ёзмоқда Халқ сўзи нашри.
Эслатиб ўтамиз, 29 март куни ҳам Самарқандда кучли ёмғир ёғиши натижасида йўлларни сув босган. Сув ҳаттоки кўплаб хонадонларнинг ҳам ичигача кириб боргани тасвирланган видеолар тарқалганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
