Россияда Superjet’лар парвози тўхташи мумкин

Россияда Superjet’лар парвози тўхташи мумкин

Россияда SaM146 рус-француз двигателларида қўлланиладиган, АҚШдан олиб келинадиган ўт олдириш свечалари етишмаслиги сабабли Superjet 100 (SSJ100) рейслари тўхтаб қолиши мумкин, деб хабар берди РБК 17 март, жума куни бундай самолётлардан фойдаланадиган олтита авиакомпания ходимларига таяниб. Аввалроқ шунга ўхшаш маълумотлар Telegram-каналларида пайдо бўлган эди.

РБК маълумотларига кўра, Америка свечалари тақчиллиги Россиянинг Украинага қуролли бостириб кириши сабабли Ғарб томонидан киритилган санкциялар фонида Россияга етказиб бериш тўхтатилганидан кейин юзага келган. «ИрАэро» бош директорининг биринчи ўринбосари Владимир Панфиловнинг 16 февраль куни Саноат ва савдо вазирлигига йўллаган мактубида айтилишича, Superjet паркининг бир қисми «яқин келажакда» парвозларни босқичма-босқич тўлиқ тўхтатиши мумкин. «ИрАэро» бош директори Юрий Лапиннинг айтишича, ҳозирда ҳаммаси жойида, бир нечта захира свечалар бор, шунинг учун парвозлар интенсивлиги пасаймаяпти. Шу билан бирга, у келажакда муаммолар бўлиши мумкинлигини тасдиқлади.

Бозорда янги ўт олдириш свечаларининг жиддий тақчиллигини «Азимут» авиакомпанияси директорлар кенгаши раиси Павел Удод ва «Якутия» авиакомпаниясидаги иккита манба ҳам тасдиқлади.

SSJ100’нинг фаолият кўрсатишдан тўхтатиш эҳтимоли ҳақида француз двигатель ишлаб чиқарувчи SaM146 - Safran Россиядан кетганидан кейин хабар берила бошланди. Двигателларни маҳаллий ПД-8 билан алмаштириш, шу жумладан турбиналар нархи бутун самолётнинг қолдиқ қиймати билан таққосланади ёки ундан ҳам қимматга тушади, деб тан олди Юрий Слюсар, Бирлашган авиация корпорацияси (БАК) раҳбари.

Импорт қилинадиган эҳтиёт қисмларига юқори қарамлик туфайли самолётларни таъмирлаш мумкин эмас. Ўтган йилнинг ўрталаридан бошлаб Россияда авариялар ва самолётларнинг носозликлари сони кўпайди ва январь ойида улар деярли ҳар куни оммага эълон қилинди.

«Ростех» 2023 йилдан бошлаб рус свечаларини етказиб беришни бошлашга ваъда берди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!