Равшан Ҳайдаров Янги Зеландия билан дурангдан сўнг нималар деди?

Ўзбекистон U-20 миллий жамоаси бош мураббийи Равшан Ҳайдаров ЖЧ 2-турида Янги Зеландия билан ўтказилган ўйиндан сўнг (2:2) ўз фикрлари билан ўртоқлашди.

"Ўйин ҳақида гапирадиган бўлсам, биз очколарни йўқотдик. Афсуски, турнир жадвалидаги ҳолатимиз яна жумбоқлигича қолди. Ўйинга бўлган муносабат йигитларда юқори эди, Янги Зеландия вакиллари босим йўқлиги сабаб 2 та қарши ҳужумдан унумли фойдаланиб кетишди. Ўйинни назорат қилдик, бутун баҳс давомида вазиятлар яратдик. Афсуски, уларни кечроқ голга айлантирдик. Кейин эса бизга вақт етмади. Имконият бор, кейинги ўйинда ўша имконият учун курашамиз", - деди Ҳайдаров.

Кейинги турда ҳамюртларимиз Гватемала билан, Янги Зеландия эса Аргентина билан тўқнаш келади.