Расман! Альба мавсум охирида "Барселона"ни тарк этади

Жорди Альба "Барселона"ни тарк этишини эълон қилди.

Ҳимоячи Каталония клубини тарк этганини ўзининг ижтимоий тармоқларига видео жойлаш орқали маълум қилди. "Барселона" Альба билан 2024 йилгача амалда бўлган шартнома томонлар келишувига кўра бекор қилинишини маълум қилди.

Жорди Альба 2012 йилдан буён "Барселона" сафида ўйнаб келаётганди. Клуб билан у 6 марта Ла Лига, 5 марта Испания кубоги, 4 марта Испания Суперкубогини қўлга киритган. У жамоа билан Чемпионлар лигаси, Европа Суперкубоги ва клублар ўртасидаги жаҳон чемпионатида ҳам ғолиб чиқди.

У ҳозиргача “Барселона” сафида 458 та ўйинда майдонга тушиб, 19 та гол урган ва 91 та голли узатмани амалга оширган.