Рамзан Қодиров ҳақидаги маълумотлар рад этилди

Чеченистон раҳбари Рамзан Қодировнинг касаллиги ҳақидаги маълумот ҳақиқатга тўғри келмайди, деб ёзди мамлакат парламенти спикери Магомед Даудов инстаграмдаги саҳифасида.

“ОАВда ёзилганлари ҳақиқат эмас. Биламан, республикамиз аҳолиси бу миш-мишлардан ташвишга тушиб қолишган. Аммо хавотирга сабаб йўқ”, – дея таъкидлаган Магомед.

Эслатиб ўтамиз, аввалроқ ОАВда Қодиров коронавирус билан касалланганлиги ва унинг аҳволи оғир деб баҳолангани ҳақида хабар берилган эди. Шунингдек, Чеченистон раҳбари Москва клиникасига ётқизилгани ҳақида ҳам айтилганди.