Қўшма Штатлар Украинадан ғалла экспорти бўйича келишув тезроқ амалга ошишига умид билдирди

АҚШ давлат котиби Энтони Блинкен Украина ташқи ишлар вазири Дмитрий Кулеба билан Украина портларидан ғалла экспорти билан боғлиқ вазиятни муҳокама қилди, дея хабар беради АҚШ Давлат департаменти.

"Суҳбатдошлар БМТ кўмагида Россия, Туркия ва Украина ўртасидаги келишувни зудлик билан амалга ошириш зарурлигини таъкидлади. Давлат котиби биринчи кемалар Украина портларини кечиктирмасдан тарк этишига умид билдирди", — дейилади вазирлик баёнотида.

22 июль куни Истанбулда БМТ, Россия, Туркия ва Украина иштирокида Украина ҳудудидаги учта порт – Чорноморск, Одесса ва Южний портларидан ғалла экспорти йўлагини яратиш бўйича иккита ҳужжат имзоланди.