Қозоғистонда ҳар бир онага ўртача уч фарзанддан тўғри келади
Ўтган йили Қозоғистонда 388 минг чақалоқ дунёга келди. Бу ҳақда ҚР Миллий статистика бюроси тарқатган маълумотлардан маълум бўлди.
Жумладан:
51,6% ўғил болалардир
48,4% қизлар
Туғилиш коэффициенти: 1000 кишига 19,52.
2022 йилда 1000 кишига 20,57 ни ташкил этди.
Туғилишнинг энг юқори кўрсаткичи Манғистау (1000 аҳолига 26,74 киши), Туркистон вилояти (1000 аҳолига 26,18 киши) ва Чимкент шаҳрида (1000 аҳолига 25,70 киши) кузатилди.
Туғилишнинг умумий коэффициенти (ТУК) - репродуктив даврда (15-49 ёш) бир аёлдан туғилган болаларнинг ўртача сони - 2,96.
Вилоят бўлимида ТУКнинг энг юқори даражаси Туркистон (4,39), Манғистау (3,99) вилоятларида, энг паст даражаси эса Шимолий Қозоғистон вилоятида (1,82) қайд этилган.
Шаҳарда — 2,63 (2022 йилда — 2,76), қишлоқ жойларда — 3,59 (2022 йилда — 3,59).
