Қашқадарёда “Она ва бола тиббиёт кластери”ни ташкил этиш таклиф қилинди

Тадбиркорлар ва ишбилармонлар ҳаракати – Ўзбекистон Либерал-демократик партиясидан Ўзбекистон Республикаси Президентлигига номзод Шавкат Мирзиёев қашқадарёлик сайловчилар билан учрашувда бу ҳақда таъкидлади.
–Энг муҳим йўналиш – аҳоли саломатлиги, айниқса, оналар ва болаларимиз соғлиғини муҳофаза қилиш ҳисобланади.

Авваламбор, бу борада мамлакатимизда илк бор Қашқадарёда мутлақо янги тизим – “Она ва бола тиббиёт кластери”ни ташкил этишни таклиф қиламан. Бунда вилоятдаги болалар кўп тармоқли тиббиёт маркази, перинатал, скрининг ва репродуктив саломатлик марказлари ҳамда туғруқ комплекси бирлаштирилади.

Лўнда қилиб айтганда, қизларимизни оналикка тайёрлашдан бошлаб, боланинг туғилиши ва 18 ёшга етгунча кўрсатиладиган барча тиббий хизматлар бир жойда ташкил этилади, – деди Шавкат Мирзиёев.