Прити Зинтанинг 34 та қизи борлигини биласизми?

Болливуднинг ёқимтой ҳамда соҳибжамол актрисаси Прити Зинта ҳақиқатан ҳам 34 та қизнинг онаси ҳисобланади.

Гап шундаки, актриса 2009 йилдан буён Ришикеш шаҳрида жойлашган “Mother Miracle” номли мактабни қўллаб-қуввватлаб келади.

Мактабда таҳсил оладиган барча қизларнинг еб-ичиши, кийиниши, мактаб қуроллари ҳамда тарбиясини ўз зиммасига олган Притининг айтишича, қизлар билан кўришиб, гаплашиш унинг учун ўзгача завқ ва роҳат бағишлайди.

Турмушга чиқиб, АҚШга кўчиб ўтган бўлишига қарамасдан актриса ҳамон қизлар учун барча керакли шароитларни яратиб келмоқда.