Польша Украинага Patriot зенит-ракета комплексларини бермайди

Бу ҳақда бош вазир Моравецки айтди.

Аввалроқ Берлин ва Варшава Польша осмонини Германиянинг Eurofighter қирувчи самолётлари ва Patriot ҳаво ҳужумидан мудофаа тизимлари қўриқлашига келишиб олган эди.

Кейинчалик, баъзи Польша расмийларида ушбу ускунани Украина билан бўлишиш ғояси пайдо бўлди.

▪️Аммо Украина ракетасининг Польшада қулаши бош вазирни ўз ҳудудларини ҳимоя қилиш ҳақида ўйлашга мажбур қилди.

«Йўқ. Биз оладиган Patriot тизимларимиз, умид қиламанки, тез орада албатта Польша осмонини ҳимоя қилишга хизмат қилади», деди Моравецки маҳаллий ОАВга.