«Phanes Group» компанияси Навоий вилоятида қуёш фотоэлектр станция қуради

Ўзбекистон Энергетика вазирлиги ва «Phanes Group» халқаро компанияси ўртасида Навоий вилоятининг Нурота тумани ҳудудида қуёш электр станциясини (ҚЭС) қуриш тўғрисида инвестиция шартномаси имзоланди.

Шунингдек, компания ва «Ўзбекистон миллий электр тармоқлари» АЖ ўртасида электр энергиясини сотиб олиш тўғрисида битим имзоланган.

Битим 200 МВт қувватга эга бўлган қуёш фотоэлектр станциясини қуриш, эгалик қилиш ва эксплуатация қилиш учун техник ва тижорий шартларни, шунингдек, 60 км узунликдаги 220/110 кВ нимстанцияни ўз ичига олади.