Оқ уй Байден ва Си Цзиньпин ўртасидаги музокараларга тайёргарлик кўрилаётганини эълон қилди

Оқ уйнинг юқори мартабали мулозими АҚШ президенти Жо Байден ва Хитой етакчиси Си Цзиньпин ўртасида учрашув ташкил этиш бўйича музокаралар олиб борилаётганини тасдиқлади.

Унинг сўзларига кўра, Байден сўнгги суҳбат чоғида Хитой раҳбари билан юзма-юз учрашиш имкониятини муҳокама қилган.

“Улар жамоалар тафсилотларни муҳокама қилишига келишиб олдилар. Биз ҳозирча вақт ва жой ҳақида хабар бера олмаймиз”, - дея иқтибос келтиради РИА Новости.

Аввалроқ АҚШ президенти Жо Байден 28 июль куни Хитой етакчиси Си Цзиньпин билан телефон орқали мулоқот қилганди.