Мишустин Россия ва Хитой ўртасидаги муносабатларни “мисли кўрилмаган юксак” деб атади
Москва ва Пекин ўртасидаги муносабатлар мисли кўрилмаган даражада юқоридир, деди Пекинда бўлган Россия Бош вазири Михаил Мишустин.
“Хитойлик дўстларимиз айтганидек, бирлик тоғларни силжитиш имконини беради.
Мишустин Украинада уруш бошланганидан бери Хитойга ташриф буюрган энг юқори мартабали россиялик амалдор ҳисобланади.
У аллақачон Хитой Бош вазири Ли Цян билан учрашган ва Хитой раҳбари Си Цзиньпин билан ҳам учрашиши режалаштирилган.
Хитой Россия-Украина можаросида бир неча бор ўзининг бетарафлигини эълон қилганига қарамай, Россиянинг агрессиясини ҳалигача қораламади. Қолаверса, ўтган йил давомида Хитой Кремл билан фақат иқтисодий ва дипломатик алоқаларни мустаҳкамлади.
Феврал ойида, Россиянинг Украинага кенг кўламли бостириб кириши бошланганининг йиллиги муносабати билан, Хитой Ташқи ишлар вазирлиги 12 бандни ўз ичига олган "Украина инқирозини ҳал қилиш" бўйича ўз таклифларини эълон қилди,
Хусусан, Хитой Москва ва Киев ўртасида тўғридан-тўғри мулоқотни тиклаш зарурлиги ҳақида гапирди ва ўт очишни тўхтатиб, музокаралар столига ўтиришни таклиф қилди.
