Минус 7 кило – қандай қилиб бир ярим ойда озиш мумкин?
Sputnik колумнисти Бакит Толканов "қорин йўқотиш" жангида қандай хатоликка йўл қўйди? Неча килога озди? Бу саволларга жавобни – унинг материалида олишингиз мумкин.
Колумнист Бакит Толканов озиш тажрибаси билан ўртоқлашди.
У шахсий озиш тажриба лойиҳасини бошладим. Лойиҳанинг муддати – икки ой. Нонуштага бўтқа, мева ва сабзавотлар, сут маҳсулотларни истеъмол қиламан. Тушликка товуқ, балиқ, гарнирига сабзавотлар ёки шўрва.
Баъзан ўзимни ҳуқуқ тартибот органлари назорат қиладиган коррупционер деб хис қиламан. Фақат бу орган ходимлари ролида менинг дўстларим, танишларим бўлади, баъзан ҳатто нотаниш одамлар ҳам.
Кафеда менинг дўстим ҳазил сифатида менга газли ичимлик ичишни таклиф қилди. Қўшни столда ўтирган бир нечта одам қизиқиш билан кузатиб туришди.
Мен ундан кўра, минерал сув ичишимни эшитиб, улар қўл бош бармоғини тепага кўтариб, мени қўллаб-қувватлашди, кейин пиво ичишни давом этишди.
Бир ҳафта олдин менда cheat meal, бошқача қилиб айтганда парҳезни режали бузилиши бўлди. Бу озаётган кишиларга оддий маҳсулотлардан чарчаб қолмаслик ва “синиб қолмаслик”, модда алмашинувини тезлаштириш учун керак. Одатда ҳафтада бир марта cheat meal бўлади.
Шу куни мен бир дона чучук (қозоқча шужук, турк халқларда анъанавий гўштдан тайёрланадиган таом). Бўлак ўзи кичкина эди, лекин дўстларим эътирози катта бўлди. Айримлар мен “синди” деса, бошқалар базм столида асабга тегадиган одам бўлмай қолдим деб ҳазил қилди. Уларга cheat meal нима учун кераклиги ҳақида тушунтишга тўғри келди.
Зарарли овқатдан узоқлашдим
Кинога попкорнсиз, базмларда зарарли овқат ва алкогол ичимликларсиз одатий хол бўлди. Ёғли ва қовурилган таомлар ҳақида хотиралар иштаҳамни очмайдиган бўлди. Баъзан эса кеч пайт бутун бошли қўйни ейишга тайёрман. Бу ҳолатга ҳар доим кефир ва олма бор – бундан кейин қўзичоққа раҳм-шафқат қилишга тайёрман.
Албатта, бирор бир зарарли овқат ейиш истаги пайдо бўлади, бироқ бир иккита қошиқдан сўнг қизиқиш сўнади.
Муаммо – инсон организмининг эҳтиёжларида эмас, балки бошда ва кўп йиллик одатда бўлади.
Вазн билан нима бўлди?
Ҳар қандай озаётган одам “плато таъсири” ҳақида билади. Унда овқатланиш одатдагидек бўлиб, жисмоний ҳаракатлар кўпаяди, вазн эса камайишни тўхтатади. Бунинг оддий сири – организм овқатланиш ва машқларга кўникиб қолади. Анъанавий хатолар – жисмоний машқларни кўпайтирган ҳолда, кунига бир дона олма ва карам барги истеъмол қилинади (Шварценеггер ҳатто йиғлайди).
Аслини олганда “режимни давом эттириш керак”, бу ерда cheat meal муҳим: эслатаман, у модда алмашинувига ёрдам беради. “Плато” менда ҳам бўлди – икки ҳафта давомида вазн 70-71 кило даражада ўзгармаган ва фақат кейинчалик камайишни бошлади.
Бугун эрталаб тароз 68,9 килограммни кўрсатди. Агар 27 апрелда 78,5 кило бўлган (кийим икки кило), мен 7-7,5 килограмм йўқотдим. Нега рақамлар тахминий? Чунки кўча тарози бўлган. Мен яна неча кило озишни истайман? Менда маълум бир чегарага етиш мақсадим йўқ, асосийси қорин йўқотиш, ҳозирги вазним меёърида.
Яна бир яхши янгилик – пресс мушаклари ортида жойлашган ёғни камайиши. Унинг меъёридан ортиқ бўлиши ички органларга ёмон таъсир кўрсатади ва у қорин чиқиб қолишининг сабаблардан бири ҳисобланади. “Ақлли” тароз сотиб олганимдан бери (уч ҳафта) висцерал ёғ даражаси нормал ҳолатга келди. Лекин бўшашиш керак эмас.
Спорт билан шуғулланиш
Маълум бўлишича, мен машқларни умуман нотўғри бажарган эканман: ердан кўтарилиш (отжимание) машқини қўлларни катта очган ҳолда бажарган эканман. Ўтириш машқида эса тиззалар “олдинга” чиққан ҳолда бажарганман, пресс машқини бажарганда асосий оғирликни орқа мушакларга берилган. Буни курс охирига келганда билиб қолдим. Курс давомийлиги – 6 ҳафта. Мен биладиган одам билан маслаҳатлашганимдан сўнг, учинчи ҳафтадан дастурни бошладим. Мутахассис мени тинчлантирди, машқлар барибир ўз фойдасини берди. У менга машқларнинг миқдорига эса, сифатига эътибор бериш кераклигини эслатди.
Ўйлайманки, агар 27 июнгача якунлашга улгурмасам, бу унча муҳим эмас. Асосийси – рақамлар эмас, мушаклар машқи. Кичкина маслаҳат бераман: мени хатоларимни қайтармаслик учун, мураббий, кўп йил спорт билан шуғулланган мутахассислар билан маслаҳатлашиш керак. Бошқа томондан мен ниҳоят 50 марта ердан кўтарилиш машқини бажаришга қодир бўлганимдан хурсандман, чунки бир ярим ой олдин 10 марта бажарганимда пенсия расмийлаштиришга тайёр эдим. Умуман олганда, вақт йўқлиги сабабли жисмоний машқларни кечаси бажардим, бу ирода кучини тарбиялаш учун фойдали бўлди.
Тунги марафон
Дам олиш куни мен бир кечаси бир нечта тунги кафега бордим – умумий ҳаражатлар, такси хизматини ҳисобга олган ҳолда катта бўлмади.
Дўстим бир неча баравар мендан кўра кўпроқ сарфлади. Нега? Мен спиртли ичимликларни истеъмол қилмадим, энг киммат бўлгани алкоголсиз мева-асалли пунш. Айтганча, маблағ тежаш оқибатида мен яқинда дўстимга пул қарз бериш имконига эга бўлдим.
Хулоса
Албатта жисмоний машқлар билан бўлган муаммо афсусдаман, бироқ тажрибам фойдаси бўлди. Энди мен қироллар каби ухламоқдаман, эрталаб ошқозонда оғирлик йўқ, мушукларим эса “шалвираган” деб айтиб бўлмайди.
