Мэй янги сайловлар ўтказиш билан таҳдид қилди
Буюк Британия бош вазири Тереза Мэй агарда консерваторлар мамлакат Евроиттифоқдан чиққанидан сўнг унинг божхона сиёсатига қарши чиқадиган бўлса, ёзда парламентга янги сайловлар ўтказиши мумкинлигини айтиб таҳдид қилди, деб хабар берди Times газетаси.
Нашрнинг ёзишича, парламентдагилар Brexit’дан сўнг ЕИ божхона иттифоқидан чиқиш бўйича овоз беришга бир неча дақиқа қолганида ана шундай огоҳлантириш олишган. Мэй стратегияси парламент аъзоларининг кўпчилиги томонидан қўллаб-қувватланди.
Газетага кўра, Мэй тарафдорлари агарда мағлуб бўладиган бўлишса, янги парламент сайловлари ўтказилишига олиб келувчи ишончсизлик вотуми бўйича овоз бериш имкониятидан фойдаланишларини айтиб таҳдид қилишган.
Аввалроқ вазирлар маҳкамаси аъзолари ҳукумат билан Британиянинг ЕИдан чиқиши бўйича асосий йўналишлар стратегияси борасида маслаҳатлашувлар ўтказишганди. Охир-оқибат Мэй вазирларни Brexit шартларини енгиллаштирадиган ҳужжат вариантини қабул қилишга кўндирганди. Мэй шунингдек, Британия мустақил савдо сиёсатини олиб боришини, Brexit’дан сўнг мамлакат ЕИ ягона бозори ва божхона иттифоқи доирасида қолиши имконияти муҳокама қилинмаслигини айтганди.
Мэйнинг стратегияси айримларнинг норозилиги ҳамда ЕИдан чиқиш масалалари бўйича вазир ҳамда ТИВ раҳбарининг истеъфога чиқишига олиб келди. Бунинг ортидан яна бир неча амалдор истеъфо берди, ЕИ билан мустаҳкам алоқаларни сақлаб қолиш тарафдорлари бўлган айрим консерваторлар эса Brexit’ни бекор қилиш масаласини муҳокама қилишни ёқлаб чиқишди.
Британия 2016 йилги референдум натижаларига кўра 2019 йил 29 мартгача ЕИдан чиқиб кетиши керак. Расмий Лондон ва Евроиттифоқ ўтган йилнинг ёзидан буён бу борада музокара олиб бормоқда.
Manba: kun.uz
