Meta Туркияда ўз ваколатхонасини очадими?

Рақамли оммавий ахборот воситалари бўйича парламент комиссияси раҳбари Ҳусейин Яйманнинг Hurriyet нашрига маълум қилишича, Туркия раҳбарияти Meta вакиллари билан иккита учрашув ўтказган.

Мулоқот чоғида Туркия томони Meta вакилларини тинглаб, Туркияда ваколатхона очиш талабларини билдирди. Маълум қилинишича, улар бу талабларга ижобий жавоб бериб, депутатлар томонидан берилган саволларга ишончли ва самимий жавоблар берган.

❌ Эслатиб ўтамиз, 2 август куни Туркияда Meta компаниясига тегишли Instagram ижтимоий тармоғи блокланган эди. Вазиятдан хабардор манбаларнинг ўша куни ТRТ World телеканалига маълум қилишича, Ҳамас сиёсий бюросининг марҳум раҳбари Исмоил Ҳания билан боғлиқ контент олиб ташланганлиги сабабли Инстаграмъга кириш тўхтатилган.

Кейинроқ Президент Ражаб Тоййиб Эрдўғaн ижтимоий тармоқ мамлакат ҳукумати талабларига мос келиши билан Instagram'га киришга қўйилган тақиқ автоматик тарзда олиб ташланишини айтди.

Ҳукмрон Ак Партиянинг айтишича, ижтимоий тармоқ АҚШ ва Британия қоидаларига қандай амал қилса, худди шундай Туркия талабларига ҳам мос келиши керак.