Мбаппе ёзда жамоани тарк этмаса, ПСЖдан 90 млн евро олади

Агар “ПСЖ” ҳужумчиси Килиан Мбаппе ёзги трансфер ойнасидан кейин жамоада қолса, у 90 миллион евро бонус олади, дея хабар берди RMC sport.

Манбага кўра, парижликларда хавотир йўқ. Франсуз лойиҳанинг йўналишидан жуда мамнун ва кетиш ниятида эмас.

Олдинроқ Мбаппе ПСЖ билан 2024/2025 йилги мавсум учун шартномани автоматик равишда узайтириш вариантини фаоллаштирмагани, бу ҳужумчига 2024 йилнинг июнида эркин агентга айланиши мумкинлиги малум бўлганди. Ўтган ёзда миш-мишлар ҳужумчининг "Реал"га ўтиши мумкинлиги билан боғлиқ эди.