Мактаб директори ишга тикланди ва 49 млн. сўм маънавий зарар тўланди
Пахтаобод туманидаги мактаблардан бирида бир неча йиллардан буён директор лавозимида ишлаб келган М.Х. 2021 йилда қонунга зид равишда лавозимидан бўшатилган.
Шундан сўнг, директор ўз лавозимига қайта тикланиш учун судга мурожаат қилди ва 19.12.2022 йилда Ўзбекистон Республикаси Олий суди томонидан М.Х.нинг даъво аризаси қаноатлантирилди. Мактаб директори ўз лавозимига ишга тикланиши ва мажбурий прогул кунлари учун 44,9 млн. сўм ҳамда 4 млн. сўм маънавий зарар ундирилиши белгиланди.
Мажбурий ижро бюроси Андижон шаҳар бўлими ходимлари томонидан ижро ҳужжати талабларини бажариш бўйича жавобгар ташкилотга огоҳлантиришлар берилди. Натижада, мактаб масъули ўз лавозимига дарҳол тикланди, бироқ мажбурий прогул кунлари учун тўланиши зарур бўлган маблағлар ўз вақтида тўланмади. Шу боис, бўлим ходимлари томонидан мажбурий ижро ҳаракатлари олиб борилиб, жавобгарга тегишли мол-мулклар хатлаб қўйилди.
Шундан сўнг, мактаб директорига 44,9 млн. сўм ҳамда 4 млн. сўм маънавий зарар пуллари тўлиқ ундириб берилишига эришилди.
