"Ливерпуль" Клоппнинг ўринбосари билан келишувга эришди

"Ливерпул"нинг кейинги мураббийи ким бўлиши маълум қилинди. Хабарларга кўра, мерсисайдликлар Юрген Клопп ўрнига келадиган мураббий билан келишувга эришган. Football Insider нашри тарқатган хабарда айтилишича, "Спортинг" устози Рубен Аморим ҳамда "Ливерпуль" ўртасида оғзаки келишувга келинган.

39 ёшли мутахассис 2020 йилдан бери Лиссабон клуби шарафини ҳимоя қилиб келади. Унинг АПЛ гиганти сафидаги маоши ҳафтасига 50 минг фунтни ташкил этиши айтилган. Аввалроқ "Ливерпуль" Хаби Алонсо, Роберто Де Зерби ва Грэм Поттер вариантлари ҳақида ўйлаётгани ҳақида хабар қилинган эди.