Литвадаги президентлик сайловида Науседа ғалаба қозонди

Oвозларни ҳисоблашнинг дастлабки натижаларига кўра, 1450 та сайлов участкаси маълумотларига кўра (жами 1895 та) сайловчиларнинг 78,87 фоизи Гитанас Науседага, 19,59 фоизи Ингрид Шимонитeга овоз берган, деб ёзади Delfi.

Гитанас Науседа расман партиясиз, бироқ социал-демократлар томонидан қўллаб-қувватланади. У 2019 йилдан бери президент бўлиб, Украинага Россия агрессиясига қарши курашда ёрдам беришнинг кучли тарафдори сифатида танилган. Ингрид Шимоните Литва бош вазири бўлиб, ҳукмрон ўнг марказчилар коалицияси томонидан қўллаб-қувватланади.