Коронавируснинг болалар учун хавфли томонлари маълум бўлди
Болаларда коронавируснинг хавфли оқибатлари когнитив функцияларнинг пасайиши, шунингдек, келажак авлодларда бепуштлик таҳдидида намоён бўлиши мумкин. Бу ҳақда Россия Педиатрлар иттифоқи ижроия қўмитаси раиси Лейла Намазова-Баранова маълум қилди.
Унинг таъкидлашича, CОVID-19 билан касалланган болаларни текширгандан сўнг олимлар беморларнинг 30 фоизида когнитив функцияларнинг пасайишини аниқладилар. Шу муносабат билан шифокор ҳар қандай шаклда коронавирус инфекциясини бошдан кечирган болаларни янада эҳтиёткорлик билан кузатишга чақирди.
Касалликнинг оқибатларини ўрганиш урологлар билан биргаликда ўтказилди. Намозова-Баранованинг сўзларига кўра, коронавирус инфекциясига чалинганидан сўнг ўғил болаларда сперматогенезда жиддий ўзгаришлар юз беради.
