Коронавирус: Чехияда кунлик антирекорд қайд этилди
Чехияда 16 октябрь куни пандемия бошланганидан буён рекорд даражада суткалик коронавирус билан касалланиш ҳолати қайд этилди.
Чехия Соғлиқни сақлаш вазирлигининг сўнгги маълумотларига кўра, бир сутка давомида COVID-19 касаллиги аниқланганлар сони 11,1 мингдан ошди, бу аввалги кун (15 октябрь)га нисбатан 1,4 мингтага кўпдир.
Чехияда кетма-кет учинчи кун коронавирус билан касалланиш ҳолатлари бўйича рекорд ўрнатилмоқда. Пандемия бошланганидан буён мамлакатда 160,1 мингдан ортиқ коронавирусга чалинганлар рўйхатга олинган, беморларнинг 1,2 мингдан ортиғи вафот этган.
Мамлакат Соғлиқни сақлаш вазирлиги инфекциянинг юқори даражаси бир-икки ҳафта давомида сақланиб қолади ва кейинчалик қатъий чеклов чоралари туфайли камаяди, деб ҳисоблайди.
Мутахассисларнинг фикрича, агар чора-тадбирлар натижа бермаса, ой охирига бориб касалланганлар сони чорак миллионга етиши мумкин.
