Канадада номаълум касаллик авж олмоқда
Шифокорлар Канаданинг Нью-Брунсвик вилоятида номаълум касаллик авж олганини аниқладилар. Бу ҳақда The New York Times хабар берган.
Мамлакатда янги неврологик касалликка чалинган биринчи бемор 2015 йилда қайд этилганди, аммо айни дамда касаллар сони эллик нафарга етди. Олти ўлим ҳам қайд этилган. Шуниси эътиборга лойиқки, ҳар доим Нью-Брунсвикнинг атиги иккита қирғоқ ҳудудида яшовчилар касал бўлиб қолишган.
Номаълум касалликнинг аломатлари тез ривожланаётган деманс ва турли хил психиатрик кўринишдир. Шунингдек, беморлар уйқусизликдан, кўриш функцияларининг бузилишидан шикоят қиладилар. Шифокорлар ушбу касалликни таснифлай олмайдилар, чунки ҳар сафар улар турли хил аломатларга дуч келишади.
Ўлганларнинг ташхиси ҳам ечимга яқинлашишга имкон бермади. Айни пайтда шифокорлар касалликни "Нью-Брунсвикдаги номаълум неврологик синдром" деб таърифлайдилар.
