Калифорния дунёдаги энг йирик 5 та нефт компаниясини судга берди
Американинг Калифорния штати жаҳондаги энг йирик 5 та нефт компанияси — Exxon Mobil, Shell, BP, ConocoPhilips ва Chevron’га нисбатан иқлим кризиси келтириб чиқарганлиги учун Сан-Франциско судига фуқаролик даъвоси қўзғатди.
New York Times нашрига кўра, даъво аризасида штат ҳокимияти иқлим ўзгариши билан боғлиқ табиий офатларга қарши курашиш учун бу беш компания махсус фонд тузиб, маблағ ажратиши кераклиги талаб қилинган. Бешта йирик нефт компанияси билан биргаликда Америка нефт институти ҳам жавобгар сифатида тилга олинган.
Штат бу компанияларни кўп йиллардан буён углеводородли ёқилғиларнинг зарарларини пасайтириб кўрсатиш ва жамоатчиликни алдаб келганликда айблаган. Худди шундай даъво аризаларини сўнгги йилларда турли судларга АҚШнинг 7 та штати ва ўнлаб муниципалитетлари берган.
Лекин, экспертларнинг фикрича бу иш нефт-газ секторига кучли қаршилик келтириб чиқариши мумкин, чунки Калифорния АҚШдаги аҳоли энг зич яшовчи штат ҳисобланади ва бундай ишларда ғалаба қозонишда беқиёс тажрибага эга.
