Исроил бир неча кун ичида зарарланган ўпкани тиклашга қодир бўлган COVID-19 препаратини синовдан ўтказмоқда
Исроиллик олимлар таъсирланган ўпкаларни бир неча кун ичида тиклашга қодир бўлган MesenCure номли янги COVID-19 препаратини инсонларда синовдан ўтказишнинг иккинчи босқичини бошлашди. Тўққиз нафар вентиляция қилинган бемор иштирокида биринчи босқич муваффақиятли якунланди.
Бу ҳақда Исроилнинг Mynet порталида хабар берилган. Илмий тестлар дунёга машҳур Рамбам клиникаси базасида бўлиб ўтмоқда.
Экспериментнинг биринчи босқичи шуни кўрсатдики, янги дорини қабул қилган коронавирус асоратили оғир беморлар бир неча кундан кейин касалхонадан чиқарилди.
"Оғир кечган охирги бир йилдан сўнг биз чуқур мамнуниятни ҳис қиламиз ва ақлга сиғмайдиган ишларни қилдик деб ишонамиз", - деди компаниянинг ривожланиш бўлими раҳбари доктор Дрор Бен-Девид ва илмий иш ҳақида изоҳ берди.
MesenCure COVID-19 га қарши самарали таъсир ўтказиши, унинг ҳужайраларини ютиши ва яллиғланишни камайтириши маълум. Синовнинг биринчи босқичида препаратни киритишда қатнашишдан бош тортган икки бемор, олимларнинг фикрига кўра, вафот этди.
"Ренография шуни кўрсатдики, ўпкамнинг 20 фоизи пневмонияга чалинган. Улар менга кислород бера бошладилар ва менинг аҳволим тобора ёмонлашиб борди. Менга экспериментал препаратни таклиф қилишганда, мен иккиланиб турдим. Aммо унинг қўлланилишидан 4 кун ўтгач, мен ўзимни яхши ҳис қилдим Ва 10 кундан сўнг мен касалхонадан чиқдим - бу шунчаки мўъжиза ", - дейди Рамбам штатидаги собиқ бемор 62 ёшли Френсис Клод.
