Исроил аскарлари ишғол остидаги Ғарбий Соҳилда яна 15 фаластинликни қўлга олди
Фаластин Асирлар Жамияти ва Фаластин Озодлик Ташкилотининг Асирлар ва Озод қилинганлар Қўмитаси қўшма баёнотида, Исроил аскарларининг Ғарбий Соҳил ва Қуддусда босқинларини давом эттираётгани маълум қилинди.
Ушбу маълумотларга кўра, кечадан бери
Ишғол остидаги Шарқий Қуддус билан Ғарбий Соҳилдаги Ал-Халил, Байтуллоҳим, Рамаллаҳ, Наблус ва Женин шаҳарларида уюштирган рейдларда Исроил аскарлари, журналист Сами аш-Шами ва собиқ маҳбуслар бўлган 15 нафар фаластинликни қўлга олди.
2023 йил 7-октабрдан буён Ғарбий Соҳилда Исроил томонидан қўлга олинган фаластинликлар сони 7225 нафарга етди.
Баёнотда, Исроил кучларининг Ғарбий Соҳил ва Қуддусда уюштирган рейдлар чоғида фаластинликларни калтаклагани ва қўлга олинганларнинг оилаларини таҳдид қилгани қайд этилди. Бу жараёнда Исроил кучлари Фаластин фуқароларининг уйлари ва машиналарига зарар етказди.
2023 йилнинг 7-октабр куни Исроил армияси Ғазо секторига ҳужум бошлаганидан бери босиб олинган Ғарбий Соҳил ва Шарқий Қуддусда фаластинликларга қарши ҳибсга олишлар, рейдлар ва ҳужумлар сони ортиб бормоқда.
