Испанияда энг узоқ давом этувчи мотам бошланди
Испания ҳукумати бугун 27 май, чоршанба кунидан расман 10 кунлик мотамни эълон қилди. Бу ҳақда молия вазири Мария Хесус Монтеро.кеча маълум қилди.
«Бугун эрталаб вазирлар кенгаши коронавирус пандемияси қурбонлари учун бутун мамлакат бўйлаб расмий мотам эълон қилинганлиги ҳақидаги декларацияни қабул қилди. Мотам чоршанба, яъни эртадан бошлаб 10 кун давом этади. Давлат бинолари ва ҳарбий денгиз кучларидаги барча байроқлар туширилади», — деди Монтеро.
Қайд этилишича, Испанияда вафот этганларнинг ҳар 10 тадан 8 таси 70 ёшдан ошганлар бўлиб, шунинг натижасида ўлим ҳолати ошиб кетган.
Хотира маросими қирол бошчилигида ўтказилади.
Бу Испания тарихида энг узоқ давом этувчи мотам бўлади. Миллий мотам охирги марта 2017 йил августда Барселона ва Камбрильсда содир этилган терактлардан кейин эълон қилинганди.
Эслатиб ўтамиз, эпидемия бошлангандан бери Испанияда 26,8 минг киши вафот этди, 235 минг кишида коронавирус аниқланди.
