Илон Маск хавотирда

Илон Маск хавотирда

Илон Маск ота-онасининг Жанубий Африкадаги уйига 15 минг долларлик янги юқори технологияли хавфсизлик тизимлари ўрнатди. Бу ҳақда The Sun хабар берди.

Маълум қилинишича, миллиардер оиласидан кимдир ўғирлаб кетилиши ва бу орқали товон пули талаб қилинишидан қўрқмоқда. Пудратчилар декабрь ойида Илон Маск отаси Эррол Маскнинг Лангебаандаги уйга келиб, 15 000 долларлик замонавий хавфсизлик тизимларини ўрнатган.

«Илоннинг одамлари мен билан боғланиб, уйимни тўлиқ қўриқлашини айтди. Декабрь ойида мен ушбу хавфсизлик компаниясидан уйни ҳимоя қилиш бўйича кўрсатмалар олганман. Энди уйда тўққизта камера бор, улар кунига 24 соат назорат қилади ва мен уларни телефоним ҳамда телевизорим орқали бошқара оламан. Уйимнинг атрофига электр панжара ҳам ўрнатилган. Ҳозирда биринчи даражали хавфсизликка эгаман. Бу ақл бовар қилмайдиган нарса», — деди Илон Маскнинг отаси.

У юқорида хавфсизлик тизимларининг ҳар бирига қуролланган қўриқчилар бириктирилганини айтди. Эррол бундай хавфсизликда яшай олмаслиги, лекин Ёханнесбург ва Преторияда жиноятчилик даражаси юқорилигини ҳисобга олиб, муросага келганини таъкидлади.

«Тўғрисини айтсам, бирор ёмон нарса содир бўлиши ёки том маънода отишма хавфи жуда катта», — деди у ва Илон Маск Twitter’ни сотиб олганидан кейин унинг оиласи учун қўрқув кучайганини таъкидлади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!