Илон Маск мухолифатга қўшилдими?

Илон Маск республикачиларни қўллаб-қувватлашдан воз кечиш ва ҳаттоки Демократик кампанияга сармоя киритиш билан таҳдид қилмоқда, деб хабар беради NBC. Миллиардер агар республикачилар президентнинг солиқ тўғрисидаги қонун лойиҳасини қўллаб-қувватласа , у мухолифатни молиялаштиришга тайёрлигини айтди.

Гап "катта, чиройли қонун лойиҳаси" - Трампнинг асосий ташаббуси ҳақида бормоқда.

❕ Маск буни “фалокат” деб атади ва қонун лойиҳасига овоз берган республикачиларни лавозимидан четлаштириш учун “миллионлаб маблағ сарфлашга” ваъда берди.

"У Республикачилар партияси ҳақида қайғурмайди", деди Маскнинг маслаҳатчиларидан бири NBC телеканалига.

Унга кўра, Маск энди Трампнинг сайловолди кампаниясини молиялаштиришни зарур деб ҳисобламайди – 2024-йилда унга 275 миллион доллар сармоя киритганига қарамай.

Можаро республикачиларни икки олов орасида қолдирди.

Улар партиянинг энг йирик донори бўлиб қолаётган Маскнинг молиявий кўмагини йўқотишдан ёки Трампнинг ишончини йўқотишдан ва шунинг учун Конгрессдаги ўринларидан қўрқишади.

Айримлар, масалан, конгрессмен Дон Бекон, аралашмасликни афзал кўради.

Бошқалар эса, аксинча, Трампни Маскга ҳужум қилишга чақирмоқда. Оқ уйнинг собиқ маслаҳатчиси Стив Баннон Маскнинг фуқаролигидан тортиб Хитой билан алоқаларигача бўлган ишларини текширишни талаб қилмоқда.

Можаро шахсий ҳақорат ва таҳдидларга айланиб кетди. Маск Трампнинг импичменти эҳтимолига шама қилди ва президентнинг сўнгги йиллардаги энг катта педофил можароси бўлган Эпштейн ишига алоқадорлигини даъво қилди.

Трамп бунга жавобан Маскнинг компанияларига берилган барча субсидияларни, жумладан Тесла компаниясига электромобиллар ишлаб чиқариш учун федерал тўловларни бекор қилишини айтди. Эълондан кейин автомобил ишлаб чиқарувчиси акциялари 14 фоизга арзонлашди.

Баъзи демократлар олқишламоқда, чунки келишмовчилик солиқ қонунчилигини издан чиқариши ва Трампнинг позициясига путур этказиши мумкин. Аммо собиқ президентнинг иттифоқчилари бу вақтинчалик эканлигига ишонч билдирмоқда.

"Трамп масъул. Бир ойдан кейин улар ҳеч нарса бўлмагандек Овал кабинетга қайтишади", деди унинг ҳамкорларидан бири NBC телеканалига.

Гап шундаки, можаро қанчалик узоққа боради ва Маск ҳақиқатан ҳам томонларни алмаштиришга тайёрми ёки буларнинг барчаси PR кампаниясининг бир қисмими.