Ҳиндистонлик янги "Коинот гўзали" қандай ҳаёт кечиради? (ФОТОГАЛЕРЕЯ)

2021 йилги “Коинот гўзали” танловининг ғолиби ҳиндистонлик 21 ёшли Ҳарнааз Сандху бўлди. У дунёнинг 79 та давлатидан келган рақибларини енгишга муваффақ бўлди, деб ёзади “Лента.ру”.

“Коинот гўзали” унвонининг янги соҳиби 17 ёшидан бери гўзаллик танловларида қатнашиб келади. 2017 йилда Ҳарнааз Сандху "Мисс Чандигарҳ" унвонини қўлга киритди ва икки йилдан сўнг "Фемина Мисс Индия Пенджаб" танловида биринчи ўринни эгаллади. 2021 йил сентябрь ойида у "Ҳиндистон гўзали" танловида ғолиб чиқди.

Сандҳу Ҳиндистон шимолидаги Чандигарх шаҳрида туғилиб ўсган. Aсосий илҳом манбаи деб билган онаси патриархал анъаналарни енгиб, гинеколог бўлишга муваффақ бўлди.

Қиз овқат пиширишни яхши кўради, от минишни, йога машқларини бажаришни, рақсга тушишни ва шахмат ўйнашни яхши кўради. Унинг севимли иқтибоси: “Бир кун сизнинг бутун ҳаётингиз кўз ўнгингизда ўтади. Бу томоша қилишга арзийди."

Ҳарнааз Сандҳу фильмларда ҳам рол ўйнайди. У яқинлашиб келаётган иккита панжаби фильмида рол ўйнади. Болливуд юлдузи Приянка Чопрани кумири деб билади.

"Ўзингизни бошқалар билан солиштиришни тўхтатинг ва келинг, дунёда содир бўлаётган муҳимроқ нарсалар ҳақида гаплашайлик", дейди гўзаллик маликаси.

Ўтмишда ҳинд аёллари “Коинот гўзали” унвонини фақат икки марта олишган. Биринчи марта 1994 йилда Сушмита Сен бу унвонга сазовор бўлган. 2000 йилда Лара Датт биринчи ўринни эгаллади. Иккаласи ҳам актриса бўлган ва нуфузли профессионал мукофотларга сазовор бўлган.