Ҳиндистон парламентида мамлакат номини ўзгартириш муҳокама қилинмоқда
Ҳиндистоннинг қайта номланиши 2 июнь, сешанба куни мамлакат Олий судида алоҳида муҳокама қилинди. "Бхарат" деб номланган республиканинг тарафдорлари Конституциядан "Индия" сўзининг олиб ташланишини талаб қилмоқда.
India Today хабарига кўра, мамлакатнинг номи масаласи 1940 йилларнинг охирида, Ҳиндистон Британия бошқарувидан мустақилликка эришган пайтда қизғин муҳокама қилинган. Ҳиндистон номи билан кўпчилик мустамлака ўтмишининг меросини кўрдилар. Аммо қизғин баҳс-мунозаралардан сўнг мамлакатнинг иккита номи Конституцияга киритилди: Ҳиндистон ва Бхарат.
Даъвогар Деҳли шаҳрида истиқомат қилувчи Нам, мамлакатнинг номини белгилаб берадиган ва унинг ҳудудини белгилайдиган Конституциянинг 1-моддасига ўзгартириш киритишни талаб қилди.
Конституциянинг 1-моддасига биноан Ҳиндистон, яъни Бхарат - бу штатлар иттифоқидир. Шикоятчи "Индия" номи "қулликнинг рамзи" эканлигини айтади. Шу билан бирга, у "Бхарат" ёки "Ҳиндустан" мамлакатнинг ягона номи сифатида тан олишни истайди.
Унинг петициясида айтилишича, "инглизча номнинг олиб ташланиши, бу рамзий кўринишга эга бўлса ҳам, бизнинг миллатимиз, айниқса келажак авлодлар учун ғурур туйғусини уйғотади. Аслида, "Индия" сўзини "Бхарат" сўзи билан алмаштириш ота-боболаримизнинг озодлик учун курашганини тасдиқлайди".
Сўнгги ўн йилларда Ҳиндистонда кўплаб шаҳар ва штатлар номи ўзгартирилди. Шундай қилиб, Бомбей узоқ вақтдан бери Мумбай, Мадрас - Ченнай, Калкутта - Колката шаҳрига айланди.
