Ҳиндистон жанубидаги Тамилнаду штатидаги Таta Electronics Private Limited корхонасида йирик ёнғин содир бўлди
Бу ҳақда компания матбуот хизмати хабар берди.
Дастлабки маълумотларга кўра, iPhone учун бутловчи қисмлар ишлаб чиқариладиган заводнинг бутловчи қисмларни бўяш бўлимида ёнғин бошланган. Шундан сўнг ҳудудни қалин тутун қоплаган, ишчилар ва маҳаллий аҳоли орасида ваҳима бошланган. Барча ходимларни бинолардан эвакуация қилиш ва ёнғинни ўчириш учун еттита ўт ўчириш бригадаси жалб қилинган.
Ҳодиса вақтида корхонада 1500 га яқин ишчи бўлган. Қурбонлар ва жароҳатланганлар ҳақида маълумот берилмади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
