Франция олти нафар россиялик агентни қўлга олди

Россия разведкаси мамлакатда яширин операция ўтказгани аниқлангач, Франция олти нафар рус агентини персона нон грата деб эълон қилди.

Ташқи ишлар вазирлиги томонидан қилинган ёзма баёнотда, Франция Ички разведка бошқармаси куни кеча узоқ давом этган терговдан сўнг Россия разведкасининг Францияда яширин операция ўтказганини маълум қилди.

Баёнотда дипломатик ҳимояда бўлган ва фаолияти Франция манфаатларига зид бўлган 6 нафар россиялик агент персона нон грата деб эълон қилингани таъкидланди.

4 апрель куни Франция мамлакатда ишлаётган 35 нафар россиялик дипломатни чиқариб юборишга қарор қилганди.

Маълумот учун: Персона нон грата (лотинча: персона поп грата — номатлуб шахс)

1) бирор давлатга дипломатик вакил этиб тайинланишига ўша давлат ҳукумати томонидан розилик берилмаган ёки ишончни йўқотган ва чақириб олиниши лозим бўлган дипломатик вакил. Персона нон грата деб эълон қилиш мазкур дипломат, унинг оила аъзоси ёки дипломатик вакилликнинг бошқа бирор ходимини шу мамлакат ҳудудида бундан буён бўлиши номатлуб деб топилганлигини билдиради. Бундай қарорга келиш давлат томонидан ўзининг тегишли одамини айтилган муддатда чақириб олишни тақозо этади, агар муайян муддат белгиланмаган бўлса, иложи борича тезроқ чақириб олиш чораси кўрилиши керак. Агар талаб бажарилмаса дипломати маҳаллий маъмурлар хусусий шахс деб эълон қилиб, унга оддий хорижий фуқаро сифатида муносабатда бўладилар;

2) кўчма маънода — хайрихоҳлик билан қаралмайдиган одам.