Финляндияда президентлик сайловларининг иккинчи босқичи бошланди
Финляндияда президентлик сайловларининг иккинчи босқичи бошланди. Мамлакат раҳбари лавозими учун депутат ва собиқ ташқи ишлар вазири Пекка Ҳаависто ва собиқ бош вазир Александр Стубб рақобатлашмоқда.
“ТАСС”нинг мамлакат Адлия вазирлигига таяниб хабар беришича, Тошкент вақти билан соат 12:00 да бутун мамлакат бўйлаб 900 дан ортиқ сайлов участкалари очилган.
Сайлов участкалари Тошкент вақти билан соат 23:00 да ёпилади. Шундан сўнг дарҳол Финляндия Адлия вазирлиги биринчи натижаларни эълон қилиши керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).
