Фарзандларга мерос улуши ундириб берилди

Ижтимоий ҳаётда баъзида гувоҳи бўламиз, фарзандлар бир ота-онанинг оиласида дунёга келсада вақтлар, даврлар, ҳолатлар ўтиши билан улар бегоналаша бошлайди. Бунинг замирида оила қадриятларига тўғри келмайдиган, кўзга кўринмас унсурлар етади. Бу унсурлар табиийки ака-ука, опа ва сингилларни бир-биридан айиради. Баъзида бу унсурлар келишмовчилик бўлса, баъзида ота-онадан қолган мол-мулкка эга бўлиш кўринишида келади. Жумладан, Бюронинг Шайхонтоҳур туман бўлими иш юритувига тегишли суддан юқоридаги ҳолатлар акс этган суд ҳужжати келиб тушди.

Фуқаролик ишлари бўйича Шайхонтоҳур туманлараро судининг 23.04.2024 йилдаги ижро варақасига асосан, қарздор опа Д.Н.дан ундирувчи ука Т.Н. фойдасига Шайхонтоҳур тумани, Гулобод кўчасида жойлашган кўп қаватли хонадонлардан биридаги 1/8 улушининг қиймати ҳисобидан жами 130 млн. 280 минг 741 сўм пул маблағлари ундириш белгиланган. Мазкур ижро ҳужжати юзасидан қарздорга 15 кунлик ихтиёрий муддат берилган. Қарздор томонидан мол-мулк улушидан пул маблағлари ихтиёрий муддатда тўлаб берилмаганлиги сабабли қарздорнинг мол-мулкларига банд солинган. Ижро ҳаракатлари давомида қарздор фуқародан ундирувчи фуқаро фойдасига фойдасига жами 130 280 741 сўм ундириб, берилиб, мазкур ижро ҳужжати Қонуннинг 41-моддасига асосан амалда тамомланган.