Европа Лигаси. “Аталанта” “Ливерпуль”ни мусобақадан чиқариб юборди
Футбол бўйича Европа Лигаси чорак финалининг жавоб ўйинлари 18 апрель, пайшанба куни бўлиб ўтди.
“Ливерпуль” сафарда “Аталанта”га қарши баҳс олиб борди. Учрашувнинг 7-дақиқасида Муҳаммад Салоҳнинг пенальтидан урган голи ягоналигича қолди ва мерсисайдликлар минимал ҳисобдаги ғалабани расмийлаштирди.
Бироқ ушбу гол Юрген Клопп жамоасига ярим финал учун етарли бўлмади. Дастлабки учрашувда “Аталанта” 3:0 ҳисобида зафар қучган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
