Евроиттифоқ Ўзбекистонга санкция қўллаш масаласини муҳокама қилмоқда

Европа Иттифоқи Ўзбекистон, Қозоғистон ва Қирғизистонга Россияга параллел импортда ёрдам бераётгани учун санкциялар қўллаши мумкин. Европаликлар фикрича, мазкур МДҲ давлатлари орқали Россияга кейинчалик ҳарбий техникаларни (дронлар, бронитехникалар) таъмирлашда ишлатиладиган маиший техникалар олиб кирилмоқда.

Тhe Telegraph нашрининг маълум қилишича, сўнгги вақтларда Марказий Осиё давлатлари билан Европа ўртасида истеъмол товарлари айланмаси кескин ошган. Юқоридаги ҳолат ўз исботини топса, юқоридаги давлатлар бизнес вакилларига Европа бозорларидан товарлар харид қилиш чекланиши мумкин.